Халықаралық стандарттарға сәйкес салықтық есеп пен аудиттің ілімдерін, мәні мен әдістемесін зерттеуде теориялық білімі мен практикалық дағдылары бар философия докторларын/PhD докторларын дайындау, сондай-ақ ұйымдастырушылық және ғылыми қызмет дағдыларына ие бола отырып, өз қызметінің кәсіби салаларының даму сипаты мен бағытына сындарлы әсер ететін, еңбек нарығында бәсекеге қабілетті мамандар мен талдаушыларды дайындау.

1. Ішкі және сыртқы контрагенттермен әртүрлі жағдайларда бухгалтер мен аудитордың кәсіби мінез-құлқын дамыту үшін алған білімдерін талдау және қорытындылау.
2. Жоғары білім беру жүйесінде этикалық нормаларды сақтай отырып, алған білімдерін оқу және ғылыми-зерттеу қызметінде қолдану.
3. Ғылыми-зерттеу бағдарламасын құру және оны заманауи зерттеу әдістері мен ақпараттық-коммуникациялық технологияларды пайдалана отырып, өз бетінше жүзеге асыру, зерттеу нәтижелерін ғылыми қоғамдастыққа, оның ішінде халықаралық басылымдардағы жарияланымдарды, диссертацияларды, баяндамаларды немесе мультимедиялық құралдарды пайдалана отырып презентацияларды ұсыну.
4. Әртүрлі меншік нысанындағы ұйымдардың қаржы-шаруашылық қызметінде қолданылатын аудит және салық салу саласындағы ғылыми нәтижелердің қолайлылығын тексеру.
5. Аудит және салық салу мәселелері бойынша нормативтік құқықтық актілерде қамтылған ақпаратты, оларды қолданудың қазақстандық және халықаралық тәжірибесін жүйелеу.
6. Аудит және салық мәселелерін шешу үшін цифрлық технологиялар мен бағдарламалық өнімдер саласындағы арнайы кәсіби білімді қолдану.
7. Бухгалтерлер мен аудиторлардың этикасының принциптеріне негізделген бухгалтерлік есеп және аудит саласындағы сараптамалық және консалтингтік қызметте стратегиялық талдау әдістерін қолдану.
8. Бухгалтерлік есеп және аудит саласындағы ғылыми жетістіктерге сыни талдау және бағалау жүргізу, ғылыми-зерттеу және кәсіби қызметте жаңа идеяларды қалыптастыру.