MBA «Қаржылық технология және бизнесті цифрлық трансформациялау»

Білім беру бағдарламасының мақсаты

MBA «Қаржылық технология және бизнесті цифрлық трансформациялау» білім беру бағдарламасы орта және жоғары буын менеджерлеріне, кәсіпкерлер мен басшыларға арналған. Бағдарлама кәсіби өсу әлеуеті бар және цифрлық экономика мен FinTech ортасында басқарушылық, аналитикалық және цифрлық құзыреттерін дамытуға ұмтылатын мамандарды даярлауға бағытталған.

Дайындықтың негізгі бағыттары:

• «Digital Finance & FinTech» пәнаралық бағыты бойынша даярлау
• FinTech саласындағы кәсіпкерлік: бизнес-идеяларды генерациялау, MVP әзірлеу, Lean Startup
• Корпоративтік қаржы және цифрлық қаржылық аналитика саласында мамандар даярлау
• BI-құралдарын (Power BI, Tableau), машиналық оқытуды және бұлтты платформаларды меңгеру
• Көшбасшылық қасиеттерді және тиімді коммуникация дағдыларын дамыту
• Ғылыми-зерттеу және аналитикалық ойлау қабілетін қалыптастыру

Білім беру бағдарламасының құрылымы

Міндетті пәндер:

• Стратегиялық менеджмент
• Бизнес-зерттеу
• Басқару психологиясы
• Көшбасшылық және әлеуметтік жауапкершілік
• FinTech саласындағы стартаптар мен инновациялар
• Сырттай (выездной) модуль
• Экономика және қаржы нарықтары (CFA / FRM)
• Инвестициялар: тіркелген табыс және капитал (CFA / FRM)
• Корпоративтік қаржы (CFA / FRM)
• ESG және цифрлық бизнестегі тұрақты даму
• Цифрлық этика және тәуекелдер
• Тәуекел-менеджмент (FRM)
• Өндірістік практика

Таңдау модульдері:

1. Қаржыдағы цифрлық технологиялар

• Power BI құралында қаржылық модельдеу
• Цифрлық платформалар және қаржылық экожүйелер
• Бизнесті басқарудағы бұлтты технологиялар
• Web3, блокчейн және орталықтандырылмаған қаржы (DeFi)
• Бизнес-модельдердің цифрлық трансформациясы

2. Жасанды интеллект және аналитика

• Басқарушылық шешімдерге арналған деректер аналитикасы және визуализация
• Бизнестегі жасанды интеллект және автоматтандыру
• Қаржылық эконометрика
• Топ-менеджментке арналған Business Intelligence
• Деректер базасын жобалау

Оқу нәтижелері

Бағдарлама түлегі келесі құзыреттерге ие болады:

ОН 1. Стратегиялық мақсаттар мен метрикаларды қалыптастыру, құндылық картасын құру және өзгерістер портфелін басымдыққа сай іріктеу.

ОН 2. Қаржылық технологиялар саласында басқарушылық шешімдерді негіздеу үшін қаржылық талдау құралдарын қолдану: цифрлық компаниялардың қаржылық және операциялық есептілігін талдау және интерпретациялау, инвестициялық жобаларды, қаржыландыру көздерін және технологиялық шешімдерді енгізу тиімділігін бағалау.

ОН 3. Цифрлық трансформацияның мақсатты операциялық моделін жобалау және енгізу, бастамаларды бизнес-процестер мен KPI жүйесіне интеграциялау.

ОН 4. Қаржылық технологиялар саласында басқарушылық шешімдерді негіздеу үшін деректерді пайдалану: деректерге қойылатын негізгі сұрақтарды қалыптастыру, цифрлық қаржылық процестердің тиімділік көрсеткіштерін әзірлеу және стратегиялық шешім қабылдау үшін аналитикалық есептерді бағалау.

ОН 5. Инновациялық шешімдерді әзірлеу және ауқымдау: гипотезаларды тестілеу, MVP құру және коммерцияландыруды жоспарлау.

ОН 6. Кросс-функционалды командаларды басқару және тиімді коммуникация құру: келіссөздер жүргізу және басқарушылық шешімдерді таныстыру.

ОН 7. Қаржылық технологиялар мен цифрлық қаржылық процестердің негізгі тәуекелдерін анықтау, бағалау және басқару; заманауи цифрлық құралдарды қолдана отырып комплаенс-процедуралар мен ішкі бақылау жүйесін әзірлеу және енгізу.

ОН 8. ESG-факторлар мен цифрлық этика қағидаттарын басқарушылық шешімдерге интеграциялау және тиісті есептілікті дайындау.

ОН 9. Қолданбалы зерттеулер мен пилоттық жобаларды жүргізу, әдістерді дұрыс таңдау және нәтижелерді қаржылық есептерде ұсыну.

Профессорлық-оқытушылық құрам

• Архипов Дмитрий — халықаралық бизнес-тренер, мотивациялық спикер, корпоративтік тренингтер бойынша «Жылдың бизнес-тренері» (2018).
• Гиш Татьяна — басқарма мүшесі, RICS (Ресей және ТМД) емтихан алушысы, Қазақстан қаржылық мамандар палатасының тәуелсіз директоры.
• Мухамеджанова Лариса — PhD, MBA, тренер және педагог.
• Пак Элла — маркетингтік зерттеулер, нарықты талдау және тұтынушы мінез-құлқы саласындағы бизнес-тренер және кеңесші.
• Ашимханулы Улан — Forex, криптовалюта және бағалы металдар нарықтарының трейдері және аналитигі.
• Булава Андрей — сертификатталған бизнес-тренер және коуч, CIPD (Ұлыбритания) қауымдастырылған мүшесі, GKIC Golden Member.

Білім туралы құжаттар

Бағдарлама түлектеріне төмендегі дипломдар беріледі:

• Master of Business Administration дипломы
  К. Сагадиев атындағы Университетаралық Бизнес Университеті, Қазақстан
• MBA дипломы
  Astana IT University, Қазақстан